موضوع: حلى الجالكسي >> بالصور السبت يوليو 05, 2008 12:02 am
لسلام عليكم
أمس نظمنا رحلة أني مع بنات الجامعة لأحد المزارات واقترحت عليهم نطلب الغذاء من المطعم بس الحلويات أحنا نسويها
أني أخترت طبق سهل وسريع " مالي مزاج وقفة يم الفرن وكسار ظهر" فسويت لهم حلى الجالكسي "أخذتها من أحد المنتديات" لكن طلعت رهيبة وطبعاً ما نسيت أصورها لكم بس للأسف ما صورتها يعد ما قطعناها
وألحين يالله حياكم تفضلوا وياي
المقادير:
الطبقة الأولى : كيكة شوكولاته جاهزة
الطبقة الثانية : كأس بسكويت مطحون "أني أكسره باليد" 4 قطع جبن كيري علبة قيمر
الطبقة الثالثة: 3شكولاته جلاكسي نص علبة قيمر
الطريقة : - نفتت الكيك الجاهز ونحطه في الطبق كطبقة أولى ونضغط عليه " أني أصب فوقه شوية حليب حتى يتماسك"
- للطبقة الثانية نخلط "البسكويت المطحون + الجبن + القيمر" ونصبّه فوق الطبقة الأولى .
- للطبقة الثالثة نذوب الجالكسي في حمام مائي "مثل اللي بالصورة" وبعد ما يذوب نخلط معاه القيمر ونصبه فوق الطبقة الثانية .
- ونبرده بالثلاجة .. وراها نقطعه وناكله ..
وطبعاً هاي الصورة لطشتها من أحد المنتديات لأني للأسف ما قدرت أصورها بعد ما تقطعت
السبت يوليو 05, 2008 12:02 am
